Lag et sølekjøkken med barna

I Handeland naturbarnehage i Kvinnherad har 12 ivrige 5-åringar frå avdelinga «Skulegrisene» laget sitt største prosjekt hittil: eit heilt eige sølekjøkken – med komfyr, vask og ein liten utekafé. Her er oppskrifta!

Med hjelp frå Sløydmillionen og Byggern Teigen , som stiller med både materialar, verktøy og ein tømrar, fekk barna utfalda seg med spikar, sag og masse skaparglede. Her handla det om å læra gjennom å gjera – og dei små snikkarane viste imponerande talent og engasjement!
Sløydmillionen er eit initiativ frå Bygger’n for å tenna byggegnisten i barn og unge – i ei tid der altfor mange mister kontakten med praktiske ferdigheiter. Kven skal byggja landet om ingen lenger brukar hendene?
Prosjektet ble sjølvsagt avslutta med ei høgtideleg opning av det splitter nye sølekjøkkenet – og vi gledde oss over både spikarslag, sølete smil og ein «dagens rett» frå minikokkane!
Snekre? Her er oppskrifta.

Monteringsoppskrift – Sølekjøkken 1 x 2,4 meter 

Del 1: Grunnramme og reisverk 

Materialar: 

  • 4 stk betongheller (grunnfundament)
  • 5 stk 48x98 mm impregnert, lengde 110 cm (tverrbjelkar)
  • 2 stk 48x148 mm impregnert, lengde 240 cm (langbjelkar)
  • 5 stk 48x98 mm impregnert, lengde 40 cm (trinn)
  • 16 stk 28x120 mm impregnert terrassebord, lengde 240 cm (dekke)
  • 4 stk europallar (til bakvegg og sideveggar)
  • 2 stk 98x98 mm impregnert, lengde 130 cm (søyler bak) 

Hogg ut eit hakk på ca. 5 x 10 cm nede på søylene slik at dei kan festast godt inn i konstruksjonen.
Alternativt kan plattingen monterast ferdig, og søylene festast oppå. 

  • 2 stk 98x98 mm impregnert, lengde 150 cm (søyler framme) 

Slik gjer du: 

  1. Fundament og ramme: 

  • Plasser betonghellene som fundament – éi under kvart hjørne.
  • Bygg ei ramme av dei to 240 cm lange 48x148 mm (langbjelkar) og dei fem 110 cm lange 48x98 mm (tverrbjelkar). Dette dannar ein stabil plattform, som ein platting. 

  1. Trinn (valfritt): 

  • Skru fast trinna (40 cm) på éi side av ramma som ei stige eller trapp for enkel tilgang. 

  1. Dekke/golv: 

  • Legg terrasseborda tett i tett over ramma og skru dei godt fast for å lage eit solid golv. 

  1. Montering av pallar og søyler: 

Europallar:

  • Éin pall ståande på kvar side som sideveggar.
  • To pallar liggande i front for å danne frontveggen. 

Søyler: 

  • Monter dei 150 cm lange søylene framme og dei 130 cm lange søylene bak – slik får taket naturleg helling bakover.
  • Fest søylene godt – anten ved å hakke dei inn i ramma eller ved å montere dei oppå plattingen etter at denne er ferdigbygd.
  • Sørg for at søylene sit stødig, og bind dei gjerne saman med europallane for ekstra stabilitet. 

Del 2: Tak 

Materialar: 

  • 2 stk 48x148 mm impregnert, lengde 250 cm (langsgåande takbjelkar)
  • 5 stk 48x148 mm impregnert, lengde 140 cm (tverrbjelkar)
  • 1 stk 48x98 mm impregnert, lengde 240 cm (frambjelke)
  • 40 meter sutaksbord
  • 4 m² shingel 

Slik gjer du: 

  1. Fest dei to 250 cm lange takbjelkane oppå søylene, parallelt med kvarandre.
  2. Monter dei 140 cm lange tverrbjelkane jamt fordelt mellom takbjelkane – desse dannar takstolen.
  3. Legg sutaksborda på tvers over tverrbjelkane for å lage underlag.
  4. Monter shingel oppå sutaksborda for å gjere taket tett og værbestandig. 

Del 3: Takrenne 

Materialar: 

  • 1 stk takrenne
  • 2 stk endestykker
  • 1 stk tappestykke
  • 5 stk rennekrokar 

Slik gjer du: 

  1. Fest rennekrokane på bakkanten av taket, med svakt fall mot tappestykket.
  2. Klikk takrenna på plass, og monter endestykka og tappestykket.
  3. Du kan lage eit enkelt avløp eller leidningssystem som fører vatnet til ei vask eller ein behaldar – nyttig for leik og praktisk bruk. 

Del 4: Kjøkkenbenk 

Materialar: 

  • 2 stk 48x98 mm, lengde 240 cm (benkeramme)
  • 5 stk 48x98 mm, lengde 20 cm (stag/støtter)
  • 2 stk terrassebord, lengde 240 cm (benkeplate)
  • Kappmateriale til vask, komfyr eller leikeelement 

Slik gjer du: 

  1. Bygg ei rektangulær ramme (240 cm lang) av dei to 48x98 mm bjelkane. Bruk dei korte 20 cm lange bitane som tverrstøtter for stabilitet.
  2. Skru fast dei to terrasseborda oppå ramma som benkeplate.
  3. Bruk kappmateriale til å lage vask, komfyr, knappar eller andre kreative leikedetaljar etter eige ønskje. 

Til slutt 

  • Mal, beis eller dekorer sølekjøkkenet slik du ønskjer – bruk gjerne fargar som inspirerer til kreativ leik.
  • Puss alle kantar og sjekk at alle skruar og beslag er trygt festa.
  • Monter eventuelt krokar eller hyller for oppbevaring av bøtter, kjøkkenreiskap og leikeutstyr. 

FigurDå er Norges finaste sølekjøkken klart til bruk –

 eit trygt, robust og inspirerande uterom for små og store leikarar! 

Opprettet
17.06.2025
Oppdatert
17.06.2025
Icons/Large/Chat